Süni İntellekt ilə öz saytını yarat (Ödənişsiz)

Hazırda tamamilə pulsuz və limitsiz şəkildə veb sayt yaratmağa imkan verən ən yaxşı platformalardan biri Vercel-dir: https://vercel.com
Sayta daxil olduqdan sonra Google və ya GitHub hesabınızla qeydiyyatdan keçin. GitHub hesabı ilə qeydiyyat etmək prosesi daha rahat edir.
Daha sonra Vercel-in əsas səhifəsinə keçin və New Project düyməsinə klikləyin. Açılan pəncərədə Build with AI bölməsini seçin.
Bu sizi v0 AI Website Builder xidmətinə yönləndirəcək. Əgər avtomatik yönləndirmə baş verməsə, birbaşa aşağıdakı ünvana daxil ola bilərsiniz: https://v0.app
v0 hesabınızın Vercel hesabınızla əlaqələndirildiyinə əmin olun.
v0, ChatGPT-yə bənzər süni intellekt əsaslı sayt qurucusudur. Əsas səhifədə hazırlamaq istədiyiniz veb saytı təsvir edin. Mətni Azərbaycan, Türk və ya İngilis dilində yaza bilərsiniz.
Mümkün qədər ətraflı izah verməyə çalışın. Çünki v0 yalnız dizayn deyil, həm də backend, funksionallıq, verilənlər bazası və digər texniki hissələri də yarada bilir. Nə qədər detallı izah etsəniz, nəticə bir o qədər uğurlu olacaq.
Saytın hazırlanması təxminən 5–10 dəqiqə çəkə bilər.
Hazırlanmış nəticəni bəyənməsəniz, sol tərəfdəki söhbət bölməsindən dəyişikliklərinizi yaza bilərsiniz. Bəyəndiyiniz halda isə sağ yuxarı hissədə yerləşən Deploy düyməsinə klikləyin.
Təxminən 10–15 saniyə ərzində layihəniz yayımlanacaq (deploy olunacaq) və sizə hazır veb saytın keçidi təqdim ediləcək. Saytınız aktiv qaldığı müddətdə fasiləsiz istifadə oluna bilər.